Dalay lama yaponiyini ziyaret qilidu

Tibetlerning rohiy dahiysi dalay lama kéler yili 4 - ayda yaponiyini ziyaret qilidu. Dalay lamaning ziyaritini orunlashturghan yaponiyilik erbablar, tibet rohiy dahiysining yaponiyidiki ziyariti xelqara hemkarliq we tinchliq heqqidiki muhakime yighini bilen munasiwetlik dep chüshendürgen. Dalay lamaning yaponiyidiki ötken qétimliq ziyariti 2003 - yili 11 - aygha toghra kélidu. Tibet rohiy dahiysining shu qétimqi ziyariti xitay hökümitining qattiq naraziliqini qozghighan. Dalay lama musteqillqi telep qilmaydighanliqini ilgiri sürsimu biraq, béyjing hökümiti uni bölgünchilik bilen éyiblimekte.

Awstiriye da'irilirining ashkarilishiche,awstiriye xitay hökümitining naraziliqi sewebidin dalay lamaning resimi chüshürülgen pochta markisi tarqitish pilanini bikar qilghan. Fransiye axbarat agéntliqining xewerige qarighanda awstiriye pochta da'iriliri bu xil pochta markisidin 60 ming dana bésip, dalay lama tughulghanliqining 70 yilliqini xatirilimekchi bolghan. Biraq buninggha awstiriyidiki xitay elchixanisi naraziliq bildürgen. Awstiriye hökümiti xitayning bésimi astida eslidiki pilanidin waz kéchishke mejbur bolghan. (Erkin)