Русийә далай ламаға виза бериш мәсилисини ойлишиватиду


2004.11.12
Share on WhatsApp
Share on WhatsApp

Русийә ташқи ишлар министири сергей лавроф, тибәтләрниң роһани даһиси далай ламаниң қалмиқистанға қилидиған зиярити ноқул диний паалийәтләр үчүн болса русийә һөкүмитиниң виза бериш мәсилисини ойлишидиғанлиқини билдүргән. Русийә йеқинқи бир қанчә йил ичидә далай ламаниң қалмиқистанни зиярәт қилиш телипини 3 қетим рәт қилған.

Лаврофниң баянати, қалмиқистан җумһурийити президенти кирсан илюмҗинофниң далай ламани қалмиқистандики тибәт күни паалийитигә тәклип қилғанлиқиға қарита ейтилған. Бирләшмә ахбарат агентлиқиниң хәвәр қилишичә, далай лама йеқин арида қалмиқистанни зиярәт қилиш пилани йоқлиқини билдүргән болсиму бирақ, русийә ташқи ишлар министири, " әгәр далай ламаниң зиярәт сәпири ноқул диний паалийәт билән чәкләнсә, шундақла һөкүмәт характирлик учрушушларни өз ичигә алмиса, биз виза бериш мәсилисини ойлишишқа тәйяр" дәп көрсәткән.

Далай ламаниң русийини зиярәт қилиш мәсилисигә хитай һөкүмити тез инкас қайтурди. Хитай ташқи ишлар министирлиқиниң баянатчиси җаң чийө җүмә күни, " далай лама диний тонға орунивелип бөлгүнчилик паалийити билән шуғуллиниватиду, мунасивәтлик тәрәпләр бу мәсилисини мувапиқ бир тәрәп қилиши керәк" дәп көрсәтти. Хитай, 1991 - йили сабиқ совет иттипақи парчиланғандин кейин русийиниң әң чоңорал - ярақ херидари болуп қалған. Русийә 2001 - йили хитай билән достлуқ келишими түзүп, хитайниң тибәтни өз ичигә алған зимин пүтүнликигә һөрмәт қилидиғанлиқини билдүргән иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт