Rusiye dalay lamagha wiza bérish mesilisini oylishiwatidu

Rusiye tashqi ishlar ministiri sérgéy lawrof, tibetlerning rohani dahisi dalay lamaning qalmiqistan'gha qilidighan ziyariti noqul diniy pa'aliyetler üchün bolsa rusiye hökümitining wiza bérish mesilisini oylishidighanliqini bildürgen. Rusiye yéqinqi bir qanche yil ichide dalay lamaning qalmiqistanni ziyaret qilish télipini 3 qétim ret qilghan.

Lawrofning bayanati, qalmiqistan jumhuriyiti prézidénti kirsan ilyumjinofning dalay lamani qalmiqistandiki tibet küni pa'aliyitige teklip qilghanliqigha qarita éytilghan. Birleshme axbarat agéntliqining xewer qilishiche, dalay lama yéqin arida qalmiqistanni ziyaret qilish pilani yoqliqini bildürgen bolsimu biraq, rusiye tashqi ishlar ministiri, " eger dalay lamaning ziyaret sepiri noqul diniy pa'aliyet bilen cheklense, shundaqla hökümet xaraktirlik uchrushushlarni öz ichige almisa, biz wiza bérish mesilisini oylishishqa teyyar" dep körsetken.

Dalay lamaning rusiyini ziyaret qilish mesilisige xitay hökümiti téz inkas qayturdi. Xitay tashqi ishlar ministirliqining bayanatchisi jang chiyö jüme küni, " dalay lama diniy ton'gha oruniwélip bölgünchilik pa'aliyiti bilen shughulliniwatidu, munasiwetlik terepler bu mesilisini muwapiq bir terep qilishi kérek" dep körsetti. Xitay, 1991 - yili sabiq sowét ittipaqi parchilan'ghandin kéyin rusiyining eng chongoral - yaraq xéridari bolup qalghan. Rusiye 2001 - yili xitay bilen dostluq kélishimi tüzüp, xitayning tibetni öz ichige alghan zimin pütünlikige hörmet qilidighanliqini bildürgen idi. (Erkin)