Далай лама қалмақистанни зиярәт қилмақта


2004.11.29
Share on WhatsApp
Share on WhatsApp

Тибәтниң диний даһийси далай лама дүшәнбә күни русийиниң қалмақистан җумһурийитигә қаратқан үч күнлүк зияритини башлиди. Франсийә агентлиқиниң хәвәрқилишичә, қалмақстан буддистлириниң диний рәһбири тәло ринпочи далай ламаниң бу қетимқи зиярити русийә буддистлири үчүн наһайити әһмийәтлик бир зиярәт икәнликини билдүргән.

Далай ламаниң бу қетимқи зиярити, униң қалмақистанға қилған иккинчи қетимлиқ зиярити һесаблиниду. Далай лама тунҗи қетим -1992 йили қалмақистанни зиярәт қилған иди. 1992 - Йилидин бири қалмақситан президенти кирсан илюмҗиноф далай ламаниң қайтидин қалмақситанни зиярәт қилиши үчүн көп тиришчанлиқ көрсәткән болсиму, лекин бу һәрикитидә мувәппәқ болалмиған иди. Чүнки русийә һөкүмити хитай һөкүмитиниң бесими түпәйлидин далай ламаға виза биришни рәт қилип кәлгән.

Өткән җүмә күни русийә һөкүмити бир баянат елан қилип, далай лама ға виза биришни қарар қилғанлиқини билдүрди. Русийә һөкүмитиниң бу баянатидин кейин, лаустики шәрқи асия дөләтлири ташқи ишлар министирлири йиғиниға қатнашқан хитай ташқи ишлар министири ли җавшиң " биз далай лама билән рәсми мунасивәт қурған һәрқандақ дөләткә қарши туримиз" диди.

Хәвәрләргә қариғанда, далай ламаниң қалмақистанни зиярәт қилиши хитай һөкүмитини қаттиқ ғәзәпләндүриши мумкин. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.