Dalay lama qalmaqistanni ziyaret qilmaqta

2004-11-29
Élxet
Pikir
Share
Print

Tibetning diniy dahiysi dalay lama düshenbe küni rusiyining qalmaqistan jumhuriyitige qaratqan üch künlük ziyaritini bashlidi. Fransiye agéntliqining xewerqilishiche, qalmaqstan buddistlirining diniy rehbiri telo rinpochi dalay lamaning bu qétimqi ziyariti rusiye buddistliri üchün nahayiti ehmiyetlik bir ziyaret ikenlikini bildürgen.

Dalay lamaning bu qétimqi ziyariti, uning qalmaqistan'gha qilghan ikkinchi qétimliq ziyariti hésablinidu. Dalay lama tunji qétim -1992 yili qalmaqistanni ziyaret qilghan idi. 1992 - Yilidin biri qalmaqsitan prézidénti kirsan ilyumjinof dalay lamaning qaytidin qalmaqsitanni ziyaret qilishi üchün köp tirishchanliq körsetken bolsimu, lékin bu herikitide muweppeq bolalmighan idi. Chünki rusiye hökümiti xitay hökümitining bésimi tüpeylidin dalay lamagha wiza birishni ret qilip kelgen.

Ötken jüme küni rusiye hökümiti bir bayanat élan qilip, dalay lama gha wiza birishni qarar qilghanliqini bildürdi. Rusiye hökümitining bu bayanatidin kéyin, la'ustiki sherqi asiya döletliri tashqi ishlar ministirliri yighinigha qatnashqan xitay tashqi ishlar ministiri li jawshing " biz dalay lama bilen resmi munasiwet qurghan herqandaq döletke qarshi turimiz" didi.

Xewerlerge qarighanda, dalay lamaning qalmaqistanni ziyaret qilishi xitay hökümitini qattiq ghezeplendürishi mumkin. (Qanat)

Pikirler (0)
Share
Toluq bet