Dalay lama xitaygha qaratqan mötidil siyasitining tibet üchün paydiliq ikenlikini tekitlimekte


2005-03-14
Share

Tibetning diniy we siyasiy dahiysi dalay lama xitay hökümitige qaratqan mötidil siyasitining tibet xelqi üchün paydiliq ikenlikini tekitlep, xitay hökümitidin uning tibetke qaytishigha ruxset bérishini telep qildi.

Dalay lama düshenbe küni "jenubiy jonggu seherlik géziti" de élan qilghan bayanatida, tibetning xitaydin musteqilliqini élish üchün küresh qilmaywatqanliqini tekitlep, tibet medeniyiti we buddizm xitay medeniytining birqismi, nurghunlighan xitay yashliri tibet medeniyitini yaxshi köridu, dédi.

Gerche dalay lama uzundin biri xitaydin aptonomiye telep qilidighanliqini tekitlep kéliwatqan bolsimu, lékin xitay hökümiti yenila dalay lamani bölgünchi dep eyiblep, uning tibetning musteqilliqi telipidin pütünley waz kéchip, tibetni xitayning ayrilmas birqismi dep étirap qilishini telep qilmaqta.

Dalay lama riyasetchilik qiliwatqan merkizi hindistandiki tibet sergerdan hökümiti, birnechchiligen tibet teshkilatliridin teshkil tapqan bolup, bir qisim tibet teshkilatliri dalay lama ning xitaygha qaratqan yumshaq siyasitini qollawatqan bolsimu, tibet yashlar qurultiyi qatarliq tibet teshkilatliri dalay lamaning xitaygha qaratqan siyasitige tüptin qarshi chiqmaqta. Ular dalay lamani teslimchi dep eyiblep , uningdin xitaygha qarshi qattiqraq bir siyaset élip bérishni telep qilmaqta. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet