Dalay lama amérikining eng aliy " sherep " médali bilen mukapatlinidu


2007-09-06
Share

Amérika dölet mejlisi yéqinda bir qarar layihisi maqullap, öktebir éyida dölet mejlisining heywetlik merkizi yighin zalida murasim ötküzüp, tibetning diniy dahisi dalay lamani amérikining eng aliy " sherep " médali bilen mukapatlaydighanliqini élan qildi.

Amérika birleshme agéntliqining xewirige qarighanda, mezkür qarar layihisi'ide yene, tibetni himaye qilish xelq'ara teshkilatining 17 ‏- öktebir küni, dölet mejlis binasi aldidiki chimliq meydanda oxshash shekilde murasim ötküzüshige ijazet bérilgen . Tibetning diniy dahisi dalay lamaning wekilliri, xitay hökümiti bilen di'alog qurup, köp qétim gheyri resmiy yosunda söhbet ötküzüp keldi. Emma söhbet héchqandaq netije bermeyla qalmastin, xitay terep dalayni " diniy ton'gha oriniwalghan siyasiy unsur " dep eyiblep, uning niyitining toghra emeslikini, meqsidining yenila tibetni xitaydin ayrish ikenlikini bildürmekte.

Xitay hökümiti yene, özi bilen diplomatik munasiwiti bolghan herqandaq döletning dalay lama bilen munasiwet qurushgha we resmiy ziyaretke teklip qilishigha izchil türde qarshi turup keldi.

Dalay lamaning amérika dölet mejlisi'ide amérikining eng aliy " sherep" médali bilen mukapatlinishi, u nobil ténchliq mukapatidin kéyin érishken yene bir aliy mukapat hésablinidu. Xitay hökümitining amérika dölet mejlisi'ining bu herikitige naraziliq bildüridighanliqi perez qilinmaqta. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet