Rusiye dalay lamaning qalmaqistanni ziyaret qilishigha wiza bérishni qarar qildi


2004-11-26
Share

Rusiye da'irilirining jüme küni ashkarilishiche, rusiye tashqi ishlar ministirliqi tibetlerning rohi dahiysi dalay lamagha qalmaqistandiki diniy pa'aliyetlerge qatnishishi üchün wiza bérishni qarar qilghan. Biraq xitaylarning ghezipini keltürüp qoyushtin ensirep, tibetlerning siyasi herikitini qollimaydighanliqini tekitligen.

Rusiye tashqi ishlar ministirliqi, tibetni xitay xelq jumhuriyitining ayrilmas bir qisimi, shundaqla u yerdiki her qandaq mesilini xitayning ichki ishi dep qaraydighanliqini ilgiri sürgen.

Rusiyide dalay lamaning bir milyondin artuq muriti bar. Rusiye qalmaqistan jumhuriyitining prézidénti kirsan ilyumjinof, 1996 - yildin béri her yili dalay lamani qalmaqistan'gha teklip qilip, dalay lamagha wiza bérishni ret qilghan rusiye hökümiti üstidin rusiye asas qanun mehkimisige dawa achidighanliqini agahlandurup kéliwatatti.

Rusiye tashqi ishlar ministirliqining bayanatchisi jüme küni "din bilen döletning ayrim - ayrim mesile ikenlikini közde tutup, dalay lamaning qalmaqistanni ziyaret qilishi üchün wiza bérish qarar qilindi," dep körsetken.

Rusiye metbu'atlirining qalmaqistandin xewer qilishiche, dalay lama aldimizdiki düshenbe küni qalmaqistan paytexti élistagha kélishi mumkin. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet