Хитай һөкүмити далай ламаниң тәлипини рәт қилди


2005.03.11
Share on WhatsApp
Share on WhatsApp

Хитай һөкүмити җүмә күни баянат елан қилип, тибәтләрниң роһаниси даһиси далай ламаниң мустәқиллиқ тәләп қилмайдиғанлиқи тоғрисидики тәлипини рәт қилди.

Хитай ташқи ишлар министирлиқиниң баянатчиси лю җйәнчав җүмә күни далай ламаниң тәлипи тоғрисида тохтилип, далай ламани хата мәвқәдә чиң туруш, тибәттики тәрәққият вә кишилик һоқуқ җәһәттики илгирләшләргә көз йүмуш шундақла мәркизи һөкүмәтниң тибәт сияситини бурмилаш вә униңға һуҗум қилиш билән әйиблигән. Лю җйәнчав мундақ дәйду: " мәркиз һөкүмәтниң далай ламаға тутқан сиясити ениқ вә изчиллиққа игә. Биз далай ламаниң әмәлий һәрикити арқилиқ сәмимийитини көрситишини үмид қилимиз".

Далай лама пәйшәнбә күни тибәт сәргәрдан һөкүмитиниң мәркизи дарамсалада өткүзүлгән бир йиғилишта, тибәт мустәқиллиқини тәләп қилмайдиғанлиқини билдүргән иди. Бирақ у, хитай кишилик һоқуқ хатирисини тәнқидлигән шундақла хитай мәркизи һөкүмитиниң тибәт қатарлиқ аз санлиқ милләтләр райониға тутқан сияситини әйиплигән иди.

Далай лама, тибәтләргә али аптономийә һоқуқи берилишини үмид қилған шундақла мустәқиллиқ тәләп қилмайдиған оттура йолда давамлиқ маңидиғанлиқи тоғрисида вәдә бәргән. Бирақ шундақтиму хитай һөкүмити далайламани давамлиқ бөлгүнчилик қилишбилән әйиблимәктә. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт