Xitay hökümiti dalay lamaning telipini ret qildi

Xitay hökümiti jüme küni bayanat élan qilip, tibetlerning rohanisi dahisi dalay lamaning musteqilliq telep qilmaydighanliqi toghrisidiki telipini ret qildi.

Xitay tashqi ishlar ministirliqining bayanatchisi lyu jyenchaw jüme küni dalay lamaning telipi toghrisida toxtilip, dalay lamani xata mewqede ching turush, tibettiki tereqqiyat we kishilik hoquq jehettiki ilgirleshlerge köz yümush shundaqla merkizi hökümetning tibet siyasitini burmilash we uninggha hujum qilish bilen eyibligen. Lyu jyenchaw mundaq deydu: " merkiz hökümetning dalay lamagha tutqan siyasiti éniq we izchilliqqa ige. Biz dalay lamaning emeliy herikiti arqiliq semimiyitini körsitishini ümid qilimiz".

Dalay lama peyshenbe küni tibet sergerdan hökümitining merkizi daramsalada ötküzülgen bir yighilishta, tibet musteqilliqini telep qilmaydighanliqini bildürgen idi. Biraq u, xitay kishilik hoquq xatirisini tenqidligen shundaqla xitay merkizi hökümitining tibet qatarliq az sanliq milletler rayonigha tutqan siyasitini eyipligen idi.

Dalay lama, tibetlerge ali aptonomiye hoquqi bérilishini ümid qilghan shundaqla musteqilliq telep qilmaydighan ottura yolda dawamliq mangidighanliqi toghrisida wede bergen. Biraq shundaqtimu xitay hökümiti dalaylamani dawamliq bölgünchilik qilishbilen eyiblimekte. (Erkin)