Далай лама, демократик вә әркин тибәтниң роһани даһиға иһтияҗи қалмайдиғанлиқини билдүрди


2005.06.21
Share on WhatsApp
Share on WhatsApp

Тибәтләрниң роһаний даһийси далай лама, тибәт аптономийилик һоқуққа игә демократик тибәткә айланғанда, далай ламаниң варис қалдуруш түзүми бикар қилинидиғанлиқини билдүрди.

Бу йил 69 яштики далай лама "һиндистан вақти гезити" дә елан қилған баянатида, " әгәр мән тибәткә қайтиштин бурун өлсәм, орнумға йеңи далай лама тәйинлиниши мумкин," дәп тәкитлигән. Далай ламаниң әскәртишичә, у тибәткә қайталиса өлгәндин кейин избасар қалдурушниң һаҗити қалмайкән.

Далай лама бу сөзни шималий һиндистандики тибәт мусапирлар далай лама туғулғанлиқиниң 70 йиллиқини хатириләшкә тәйярлиниватқан бир чағда қилди. Тибәт тарихида далай ламалиқ мәртивиси 15 - әсирдә орнитилған.

Һазирқи далай лама ламо дондуп 1935 - йили 6 - июлда туғулған болуп, 1940 - йили 14 - далай лама, дәп елан қилинған иди. У, 1959 - йилдики тибәт қозғилиңидин бери һиндистанниң шималидики дарамсалада яшап кәлмәктә.

Хитай баш министири вен җябав бу йил априлда йеңи деһлини зиярәт қилғанда, һиндистан һөкүмити тибәтни хитайниң бир қисими, дәп тониған шундақла һиндистан земинида хитайға қарши паалийәт елип беришкә йол қоймайдиғанлиқини елан қилған иди. Хитай һөкүмити сиккимни һиндистанниң земини, дәп қобул қилған.

Далай ламаниң тәкитлишичә, униң һиндистан билән чоң ихтилапи йоқ икән, әмма у хитайниң игилик һоқуқидин көпәрәк тибәтниң аптономийисигә көңүл бөлидиғанлиқини билдүргән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.