Dalay lama, démokratik we erkin tibetning rohani dahigha ihtiyaji qalmaydighanliqini bildürdi


2005.06.21
Share on WhatsApp
Share on WhatsApp

Tibetlerning rohaniy dahiysi dalay lama, tibet aptonomiyilik hoquqqa ige démokratik tibetke aylan'ghanda, dalay lamaning waris qaldurush tüzümi bikar qilinidighanliqini bildürdi.

Bu yil 69 yashtiki dalay lama "hindistan waqti géziti" de élan qilghan bayanatida, " eger men tibetke qaytishtin burun ölsem, ornumgha yéngi dalay lama teyinlinishi mumkin," dep tekitligen. Dalay lamaning eskertishiche, u tibetke qaytalisa ölgendin kéyin izbasar qaldurushning hajiti qalmayken.

Dalay lama bu sözni shimaliy hindistandiki tibet musapirlar dalay lama tughulghanliqining 70 yilliqini xatirileshke teyyarliniwatqan bir chaghda qildi. Tibet tarixida dalay lamaliq mertiwisi 15 - esirde ornitilghan.

Hazirqi dalay lama lamo dondup 1935 - yili 6 - iyulda tughulghan bolup, 1940 - yili 14 - dalay lama, dep élan qilin'ghan idi. U, 1959 - yildiki tibet qozghilingidin béri hindistanning shimalidiki daramsalada yashap kelmekte.

Xitay bash ministiri wén jyabaw bu yil aprilda yéngi déhlini ziyaret qilghanda, hindistan hökümiti tibetni xitayning bir qisimi, dep tonighan shundaqla hindistan zéminida xitaygha qarshi pa'aliyet élip bérishke yol qoymaydighanliqini élan qilghan idi. Xitay hökümiti sikkimni hindistanning zémini, dep qobul qilghan.

Dalay lamaning tekitlishiche, uning hindistan bilen chong ixtilapi yoq iken, emma u xitayning igilik hoquqidin köperek tibetning aptonomiyisige köngül bölidighanliqini bildürgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.