دالاي لاما گېرمانىيىنىڭ "ھېسسېن تىنچلىق مۇكاپاتى" غا ئېرىشتى


2005.07.27
Share on WhatsApp
Share on WhatsApp

تىبەتلەرنىڭ سۈرگۈندىكى دىنىي داھىيسى دالاي لاما دۇنيا تىنچلىقىنى ئىلگىرى سۈرۈشتە "سەۋرچان، كەمتەر ۋە كەڭ قورساق" بولغانلىقى بىلەن چارشەنبە كۈنى 11 - نۆۋەتلىك "ھېسسېن تىنچلىق مۇكاپاتى" غا ئېرىشتى.

گېرمانىيىنىڭ غەربىدىكى ھېسسې شىتاتىنىڭ باشلىقى رولاند كوچ دالاي لاماغا بۇ مۇكاپاتنى بېرىشنىڭ ئالدىدا، "سىز دۇنيادىكى توقۇنۇشلارنى زوراۋانلىق قىلمايمۇ ھەل قىلغىلى بولىدىغانلىقىغا تىپىك مىسال بولالايسىز" دېدى.

ئامېرىكا بىرلەشمە ئاگېنتلىقىنىڭ خەۋىرىدە كۆرسىتىلىشىچە، رولاند كوچ 70 ياشلىق دالاي لامانىڭ ئۇزۇن يىللىق دوستى بولۇپ، ئۇ بۇ مۇكاپاتنىڭ، دالاي لامانىڭ دۇنيادا تىنچلىق ۋە ئەركىنلىكنى قولغا كەلتۈرۈش يولىدىكى ھارماس-تالماس ئەمگىكى شەرىپىگە بېرىلگەنلىكىنى بىلدۈردى.

دالاي لاما مۇكاپاتنى قوبۇل قىلغاندا مەزكۇر كومىتېتقا رەھمەت ئېيتىش بىلەن بىرگە، "مەن ئىنسانىي مېھرى-مۇھەببەتنىڭ ئىنسانلارنىڭ تۈپ ئالاھىدىلىكى ئىكەنلىكىگە ئىشىنىمەن." دېدى.

"ھېسسېن تىنچلىق مۇكاپاتى" غا ئېرىشكۈچىگە 25 مىڭ ياۋرو يەنى 29 مىڭ 9 يۈز ئامېرىكا دوللىرى مۇكاپات سوممىسى بېرىلىدۇ. دالاي لاما بۇنىڭدىن سىرت يەنە، 1989 - يىلى خەلقئارا نوبېل تىنچلىق مۇكاپاتىغا ئېرىشكەن ئىدى. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.