Dalay lama gérmaniyining "héssén tinchliq mukapati" gha érishti


2005.07.27

Tibetlerning sürgündiki diniy dahiysi dalay lama dunya tinchliqini ilgiri sürüshte "sewrchan, kemter we keng qorsaq" bolghanliqi bilen charshenbe küni 11 - nöwetlik "héssén tinchliq mukapati" gha érishti.

Gérmaniyining gherbidiki héssé shitatining bashliqi roland koch dalay lamagha bu mukapatni bérishning aldida, "siz dunyadiki toqunushlarni zorawanliq qilmaymu hel qilghili bolidighanliqigha tipik misal bolalaysiz" dédi.

Amérika birleshme agéntliqining xewiride körsitilishiche, roland koch 70 yashliq dalay lamaning uzun yilliq dosti bolup, u bu mukapatning, dalay lamaning dunyada tinchliq we erkinlikni qolgha keltürüsh yolidiki harmas-talmas emgiki sheripige bérilgenlikini bildürdi.

Dalay lama mukapatni qobul qilghanda mezkur komitétqa rehmet éytish bilen birge, "men insaniy méhri-muhebbetning insanlarning tüp alahidiliki ikenlikige ishinimen." Dédi.

"Héssén tinchliq mukapati" gha érishküchige 25 ming yawro yeni 29 ming 9 yüz amérika dolliri mukapat sommisi bérilidu. Dalay lama buningdin sirt yene, 1989 - yili xelq'ara nobél tinchliq mukapatigha érishken idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.