Xitay-tibet söhbiti nazuk mesililer basquchigha kirgen


2007.07.09

Ötken hepte béyjingni ziyaret qilip, xitay hökümiti bilen söhbet élip barghan tibet rohani dahisi dalay lamaning wekili lodi gyari,xitay bilen élip bérilghan söhbetning nazuk mesililerge chétilghanliqini, lékin her ikkila terepning tibetke chétilidighan mesililerdiki pikir ixtilapi yenila chongqur ikenlikini bildürdi.

Lodi gyari bashchiliqidiki 4 kishilik dalay lama wekiller ömiki 29 - iyundin 5 - iyulghiche béyjingda élip barghan ziyaritide, xitay kompartiyisi merkizi komitétining birliksep bölümidiki emeldarlar bilen söhbet ötküzgen.

Bu ularning 2002 - yildin béri élip barghan 6 - nöwetlik söhbiti idi. Lodi gyari," her ikkila terep pozitsiyisini küchlük ibariler bilen otturigha qoydi we bir qatar mesililerni muzakire qildi" dep körsetti. U, " söhbitimiz nazuk basquchqa keldi. Biz tibet mesilisidiki jiddiy qarashlirimizni eng küchlük shekilde ipadilesh bilen birge, eger söhbetni ilgiri sürüsh kérek, dep qaralsa, ijra qilishqa tégishlik bezi konkrét pilanlarni otturigha qoyduq " deydu. Lékin lodi gyari, qandaq pilanlarni otturigha qoyghanliqini ashkarilimidi.

Xitay tashqiy ishlar ministirliqi ötken seyshenbe küni dalay lama wekillirining ziyariti toghrisida élan qilghan bayanatida, tibet wekiller ömiki dalay lamagha wekillik qilidu, dep qarimaydighanliqini, lékin tibet wekillirining ziyariti dalay lamaning xitayni chüshinishige we toghra yolni tallishigha yardemchi bolup qélishini ümid qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.