Béyjing : dalay lama bilen bolghan söhbet ishikimiz dawamliq ochuq


2007-07-30
Share

Tibet rohani dahisi dalay lamaning alahide wekiller ömiki bilen béyjingda ötküzgen yéngi bir nöwetlik söhbiti netijisiz axirlashqandin kéyin, xitay hökümiti dalay lama bilen bolghan söhbet ishikining dawamliq ochuq ikenlikini élan qildi. Lékin tibet aptonom rayonining mu'awin re'isi niyma sérin, dalay lama choqum tibetni xitayning ayrilmas bir qisimi, dep étirap qilishi we bölgünchilik herketlerdin waz kéchishi kérek, dep tekitligen.

Niyma sérin aldinqi küni tibet merkizi lxasada chaqirghan axbarat élan qilish yighinida, dalay lama bilen bolghan söhbet qanilimiz yenila ochuq. Lékin bu "dalay lamaning pozitsiyisige baghliq "yeni dalay lamaning "musteqilliqtin waz kéchish - kechmesliki we buzghunchiliq heriketlerni toxtitish - toxtatmasliqi bilen munasiwetlik" dep körsetti. Xitay hökümiti 2002 - yildin béri dalay lama wekilliri bilen tibet mesilisi buyiche 6 qétim söhbet élip bardi.

Axirqi qétimliq söhbet bu ayning bashliri béyjingda ötküzülgen bolsimu, lékin söhbet emeliy netijige érishelmigen. Dalay lama wekiller ömikining bashliqi lodi gyarining söhbettin kéyin ashkarilishiche, bu qétimqi söhbette terepler eng nazuk we konkrét mesililerde keskin talash- tartish élan barghan. Lodi gyarining eskertishiche, u söhbette tibet aptonom rayoni da'irilirini solchilliq bilen eyiblep, partkom sékritari jang chinglini "medeniyet inqilabidin qalghan küchler " dep tenqidligen.

Tibet aptonom rayonining mu'awin re'isi nyma sérin yene, dalay lama teripidin tallan'ghan benchen lamaning nöwette tibettiki bir ottura mektepte oquwatqanliqini bildürdi. Kishilik hoquq teshkilatlirining eskertishiche, benchen lama 1995 - yili 6 yéshidin bashlap xitay da'iriliri teripidin nezerbent qilin'ghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet