Хитай америкиниң далай ламаға алтун медал бериш қарариға қаттиқ наразилиқ билдүрди


2007-10-11
Share

Хитай һөкүмити, америка дөләт мәҗлисиниң, тибәтниң диний даһиси далай ламаға америка дөләт мәҗлиси алтун мидали бериш қарариға қаттиқ наразилиқ билдүрди.

Хитай ташқи ишлар минстирлиқиниң баянатчиси лю җәнчав пәйшәнбә күни бейҗиңда мухбирларға бәргән баянатида, америка дөләт мәҗлисиниң далай ламаға алтун медал мукапати бәргәнликигә қарши туридиғанлиқини тәкитләп, "биз һәр қандақ бир дөләт яки шәхисниң далай ламадин җуңгониң ички ишлириға арилишиш үчүн пайдилинишиға қарши туримиз " дегән.

Америка бихәтәрлик кеңишиниң баянатчиси өткән ай бәргән баянатида, америка президенти җорҗ бушниң, 17‏- өктәбир күни вашингтонда өткүзүлидиған, далай лама ға америка дөләт мәҗлиси алтун медал мукапати бериш мурасимиға қатнишидиғанлиқини җакарлиған иди.

Президент җорҗ бушниң далай ламаға мукапат бериш мурасимиға қатнишиши, тунҗи қетим бир дөләт рәисиниң далай ламани мукапатлаш соруниға қатнишиши болуп һесаблинидикән.

Хәвәрләргә қариғанда, америка президенти, өткән ай австралийидә хитай дөләт рәиси ху җинтав билән көрүшкинидә, ху җинтавни өзиниң далай ламаға америка дөләт мәҗлисиниң алтун медал бериш мурасимиға қатнишидиғанлиқидин хәвәрләндүргән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт