Далай лама хәлқара җәмийәтни тибәт вәқәсини тәкшүрүшкә чақирди
2008.03.16
Тибәтниң диний даһийси далай лама һиндистандики тибәт сәргәрдан һөкүмити җайлашқан дарисаладики туралғу җайида йәкшәнбә күни баянат елан қилип, хәлқара җәмийәтни тибәттә йүз бәргән қанлиқ вәқәниң һәқиқий әһвалини тәкшүрүшкә чақирди.
Далай лама сөзидә җуңго һөкүмитини "тибәтләрниң мәдәнийитини" йоқитишқа урунуватқанлиқ билән әйиблигән.
Тибәт сәргәрдан һөкүмити болса лхасадики тоқунушта 80 адәмниң өлгәнликини елан қилған болсиму, бирақ хитай һөкүмити пәқәт 10 адәмниң өлгәнликигә иқрар болған. Йәкшәнбә күни лхаса шәһири тинчланған болуп, шәһәргә хитай азадлиқ армийисиниң танка вә қуруқлуқ қисимлири кирип, һәрбий һаләт елан қилған.
Тоқунуш җәрянида нәччилигән машина, дукан вә башқилар көйдүрүветилгән. Бу қетимқи тибәт хәлқиниң кәң көләмлик наразилиқ һәрикити тибәтниң бир қанчә җайлирида йүз бәргәндин башқа йәнә сичүән өлкисидики тибәтләр топлашқан җайлардиму давамлишип, сақчилар билән тоқунуш келип чиққан.
Җүмә, шәнбә, йәкшәнбә күнлири дуняниң көплигән дөләтлиридики хитай әлчиханилири алдида тибәтләр вә уларниң қоллиғучилири наразилиқ намайишлири өткүзгән. Шәнбә вә йәкшәнбә күнлири америка шәһәрлиридин нюйорк вә вашингтондиму намайиш болған. (Үмидвар)
Мунасивәтлик мақалилар
- Хитай йеңи рәһбәрлик системисини бекити
- Тибәттики тоқунушлар кеңәймәктә
- Хәлқара җамаәт хитай һөкүмитиниң тибәтлик намайишчиларни бастурғанлиқини әйиблимәктә
- Ғәрб әллири хитайни лхасадики тоқунушта хитайни күч ишләтмәсликкә чақирди
- Тибәт мәркизи лхасадики намайиш тоқунушқа айланди
- Һиндистан сақчилири йүзлигән тибәтликни қолға алди
- Хитай һөкүмити олимпик мусабиқисида рухсәтсиз намайиш қилишқа болмайдиғанлиқини җакарлиди
- Тибәтликләр нюйоркта бейҗиң олимпикигә қарши наразилиқ паалийәтлири елип барди
- Хитай һөкүмити лхасада тибәтләрниң намайишини бастурғанлиқини етирап қилди
- Һиндистандики тибәт яшлири юртиға қайтиш үчүн узун сәпәргә атланди
- Сүргүндики тибәт мустәқилчилири һиндистандин тибәткә қарап йол алди
- Далай лама олимпик мунасивити билән хитайни әйиблиди