Далай лама әгәр тибәттики исян контролдин чиқип кәтсә "истипа" беридиғанлиқини билдүрди


2008-03-18
Share

Тибәт роһани даһиси далай лама тибәттики хәлқ исяни контролдин чиқип кетип, вәзийәт еғирлишип кәтсә, өз орнидин чекинидиғанлиқини елан қилди шундақла у йәнә, хитай даирилириниң униң һәққидики әйибләшлирини рәт қилип, лхасадики исянни уюштурғанлиқини рәт қилди.

Далай лама сәйшәнбә күни дарамсалада б б с мухбириға " әгәр вәзийәт контролдин чиқип кәтсә, у һалда мениң таллаш йолум һазирқи орнумдин чекиништур," дәйду. Далай ламаниң әскәртишичә, у илгири тибәттә партлиған исянлардиму буниңға охшаш агаһландурушта болған. Далай лама 1987 ‏ - йили лхасада партлиған қозғилаңдиму әгәр вәзийәт контролдин чиқип кәтсә, өзиниң " чекиниш" тин башқа таллаш йоли қалмайдиғанлиқини билдүргән иди.

Далай лама йәнә, тибәт қозғилаңчилириниң лхасадики хитай көчмәнлиригә һуҗум қилғанлиқи вә дукан һәм магизинларни уруп чаққанлиқини " тоғра әмәс" деди. Далай ламаниң катибиниң б б с мухбириға чүшәндүрүшичә, далай ламаниң тутқан йоли зораванлиқсиз йолидур. Әгәр тибәтләр униң тутқан йолида маңмай қолиға қорал алса, бу һалда униң тибәтләргә вакалитән сөз қилиш һоқуқидин истипа беришигә тоғра келидикән. Лекин далай ламаниң катипи һазирға қәдәр тибәтләрниң қоралланғанлиқини испатлайдиған бирәр аламәт байқалмиғанлиқини илгири сүрди.

Далай лама йәнә, " бу қетимқи һәрикәт бизниң контролимизда әмәс" дәп тәкитлигән. Хитай һөкүмити бу қетимқи вәқәни далай лама пәрдә арисида пиланлиған, дәп әйиблимәктә. Хитай баш министири вен җябав түнүгүн далай ламаға һуҗум қилип, далай ламаниң тибәтләр "мәдәнийәт қирғинчилиқи" ға учраватиду, дегән сөзлирини " қипқизил ялғанчилиқ " дегән иди. Лекин далай лама йәнә, өзиниң хитай һөкүмранлиқи астидики тибәтләргә немә қилиш яки немә қилмаслиқ тоғрисида нәсиһәт берәлмәйдиғанлиқини, чүнки өзидә бундақ бир әхлақий мәсулийәтниң йоқлуқини билдүргән. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт