Dalay lama 2008‏ - yilliq béyjing olimpik tenheriket yighinini qollaydighanliqini bildürdi


2008-03-08
Share

Tibetning diniy we siyasiy dahisi dalay lama, 2008‏ - yilliq béyjing olimpik tenheriket yighinini qollaydighanliqini bildürdi.

Shenbe küni, dalay lamaning bashqurushidiki tibet sergerdan hökümiti teripidin, hindistanning dramsala shehiride élan qiln'ghan bir bayanatta, " dalay lamaning,xitayning 2008‏ - yilliq béyjing olimpik tenheriket yighinigha sahipxanliq qilish hoquqini dawamliq qollap kéliwatqanliqini, xelq'ara jama'etke melum" dep körsitilgen.

Jüme küni, tibet kompartiyisining bash sékritari jang chingli, dalay lamani " türlük söz - chöchekler tarqitish arqiliq 2008‏ - yilliq béyjing olimpik tenheriket yighinigha buzghunchiliq qilishqa tirishiwatidu dep, eyibligen idi.

Dalay lamaning ishxanisi teripidin élan qilin'ghan bayanatta, dalay lamaning 2008‏ - yilliq béyjing olimpik tenheriket yighinigha buzghunchiliq qilishqa tiri'ishmighanliqi, lékin her qaysi teshkilatlarni, béyjing olimpik tenheriket yighinidin paydilinip, xelq'ara jama'etning shuningdek xitay xelqining diqqitini tibettiki weziyetke we tibet xelqi üstidiki bésimgha tartishqa chaqirghanliqi, tekitlen'gen.

Chet'ellerde pa'aliyet élip bériwatqan besh tibet teshkilati, béyjing olimpik tenheriket yighini harpisida, xitayning tibettiki hakimiyitige naraziliq bildürüsh we xelq'ara jama'etning diqqitini tibet mesilisige tartish üchün, hindistandin tibetkiche piyade méngish herikiti bashlitishni pilanlimaqta.

Mezkur teshkilatlar, bundaq bir pa'aliyet élip bérish üchün, xitaygha qarshi yumshaq bir pozitsiyide boluwatqan dalay lamaning maqulliqini qolgha keltürüshning hajiti yoqliqini bildürmekte. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet