Dalay lamaning tibetke qaytip kélishini terghip qilghan tibetlik sotlandi

Amérika birleshme agéntliqi seyshenbe küni, sichü'en litang nahiyisi edliye organlirining yéqinda runggiy adak isimlik bir tibetlikni " dölet hakimiyitini aghdurushqa urun'ghan " dégen jinayet bilen eyiblep sotlighanliqini élan qildi.

Daramsaladiki tibet kishilik hoquq we démokratiyini ilgiri sürüsh merkizining bildürüshiche, , runggiy adak 1 ‏- awghust küni sichü'en litang nahiyiside ötküzülgen at beygisi murasimida yuqiri awazda " tibetke musteqilliq, dalay lamaning tibetke qaytip kélishige ruxset bérilishi kérek" dep shu'ar towlighan, bu seweblik runggiy adak qolgha élin'ghan hemde bu litang nahiyesidiki ahalining qattiq naraziliqi qozghighan.

Saqchi da'iriliri, runggiy adakni qollighuchilar we naraziliq bildürgüchilerni tutush herikiti qozghap, runggiy adakning tuqqanliri bashliq bir qanche tibetlikni qolgha alghan.

Tibet kishilik hoquq teshkilatliri , runggiy adakni tibet xelqining hörlüki we dalay lamagha bolghan sadaqitini bildürüsh üchün, öz baturluqini namayen qildi dep teripleshmekte.

Xitay da'iriliri tibetning diniy dahisi dalay lama wekillirining, aliy aptonomiye telepliri bilen tibet medeniyitini saqlap qélish teshebbüslirini izchil türde ret qilip, dalayni diniy ton'gha oruniwalghan siyasiy bölgünchi dep eyiblep kelmekte. Dalay lama wekillirining 6 ‏- qétimliq söhbiti meghlub bolghandin kéyin tibette we tibet sirtida xitay hökümitige qarshi naraziliq heriketler téximu köpiyishke bashlidi. (Eqide)