دالاي لاما ئۆز ۋارىسىنى بەلگىلەش قارارىنى ئىپادىلىدى


2007-11-22
Share

خىتاي دائىرىلىرى، تىبەتنىڭ دىنىي داھىسى دالاي لامانى" تىبەتلەرنىڭ بۇددىست ئەنئەنىسىگە خىلاپلىق قىلدى" دەپ ئەيىبلىدى. دالاي لاما يېقىندا ۋاپاتىدىن بۇرۇن، ئۆز ۋارىسىنى بېكىتىدىغانلىقىنى، بۇ ۋارىسنىڭ ھېچقاچان خىتاي ھۆكۈمىتى تەرىپىدىن بەلگىلەنگەن ئۆسمۈر لاما ئەمەس ئىكەنلىكىنى تەكىتلىگەن ئىدى.

خىتاي تاشقى ئىشلار مىنىستىرلىقىنىڭ باياناتچىسى ليۇ جەنچاۋ پەيشەنبە كۈنى دەرھال بۇ ھەقتە ئىنكاس بىلدۈرۈپ":دالاينىڭ بۇ ھەرىكىتى، تىبەت بۇددىست قائىدىسىگە ھەمدە تارىخىي ئادەتلىرىگە ئۇيغۇن كەلمەيدۇ" دېدى.

دالاي لاما، ئۆز ۋارىسىنى سايلام بىلەن بېكىتىدىغانلىقىنى ياكى بولمىسا ئۆزىنىڭ ئۆلۈمىدىن بۇرۇن بېكىتىدىغانلىقىنى ئېيتقان بولۇپ، دالاي لاما ياپونىيىدە يۇقىرىقى قاراشلىرىنى يەنە بىر قېتىم تەكىتلەپ ئۆتۈپ " : تىبەت خەلقى، جۇڭگۇ ھۆكۈمىتى تەرىپىدىن بەلگىلەنگەن لاما ۋارىسىنى قوبۇل قىلمايدۇ" دېدى.

1989 ‏- يىلى" نوبىل تېنچلىق مۇكاپاتى" غا ئېرىشكەن دالاي لاما، يېشىنىڭ كۈندىن - كۈنگە چوڭىيىۋاتقانلىقىنى كۆزدە تۇتۇپ، ۋارس بەلگىلەش مەسىلىسگە يېقىندىن كۆڭۈل بۆلمەكتە.

دالاي لاما ئىلگىرى يەنە، " 1959 ‏- يىلىدىن كېيىن نۇرغۇنلىغان تىبەتلەر چەتئەللەرگە قېچىپ چىقتى، نۇرغۇنلىغان تىبەت ياشلىرى چەتئەللەردە ئالىي دەرىجىلىك ئۈنۋانلارغا ئېرىشتى ھەمدە ياۋرۇپا ۋە ئامېرىكىلاردا ھەرقايسى دۆلەت خەلقلىرى بىلەن بىرگە تۇرمۇش كەچۈردى. بۇ جەرياندا كۆپلىگەن ئامېرىكا ۋە ياۋروپالىقلار بۇددا دىنىغا ئېتىقاد قىلىپ، تىبەتنىڭ دىنىي، مەدەنىيىتى شۇنىڭدەك سىياسىي پائالىيەتلىرىنى قوللاپ قۇۋەتلىدى، بۇنداق ئەھۋال ئاستىدا ، نېمە ئۈچۈن چەتئەللەردىكى تىبەتلەردىن لاما ۋارىسىنى بېكىتىشكە بولمايدىكەن" دېگەن ئىدى. (ئەقىدە‏)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت