Далай лама өз варисини бәлгиләш қарарини ипадилиди


2007-11-22
Share

Хитай даирилири, тибәтниң диний даһиси далай ламани" тибәтләрниң буддист әнәнисигә хилаплиқ қилди" дәп әйиблиди. Далай лама йеқинда вапатидин бурун, өз варисини бекитидиғанлиқини, бу варисниң һечқачан хитай һөкүмити тәрипидин бәлгиләнгән өсмүр лама әмәс икәнликини тәкитлигән иди.

Хитай ташқи ишлар министирлиқиниң баянатчиси лю җәнчав пәйшәнбә күни дәрһал бу һәқтә инкас билдүрүп":далайниң бу һәрикити, тибәт буддист қаидисигә һәмдә тарихий адәтлиригә уйғун кәлмәйду" деди.

Далай лама, өз варисини сайлам билән бекитидиғанлиқини яки болмиса өзиниң өлүмидин бурун бекитидиғанлиқини ейтқан болуп, далай лама японийидә юқириқи қарашлирини йәнә бир қетим тәкитләп өтүп " : тибәт хәлқи, җуңгу һөкүмити тәрипидин бәлгиләнгән лама варисини қобул қилмайду" деди.

1989 ‏- Йили" нобил тенчлиқ мукапати" ға еришкән далай лама, йешиниң күндин - күнгә чоңийиватқанлиқини көздә тутуп, варс бәлгиләш мәсилисгә йеқиндин көңүл бөлмәктә.

Далай лама илгири йәнә, " 1959 ‏- йилидин кейин нурғунлиған тибәтләр чәтәлләргә қечип чиқти, нурғунлиған тибәт яшлири чәтәлләрдә алий дәриҗилик үнванларға еришти һәмдә яврупа вә америкиларда һәрқайси дөләт хәлқлири билән биргә турмуш кәчүрди. Бу җәрянда көплигән америка вә явропалиқлар будда диниға етиқад қилип, тибәтниң диний, мәдәнийити шуниңдәк сиясий паалийәтлирини қоллап қувәтлиди, бундақ әһвал астида , немә үчүн чәтәлләрдики тибәтләрдин лама варисини бекитишкә болмайдикән" дегән иди. (Әқидә‏)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт