Далай лама: хитай ядро ташландуқлирини тибәткә төкүватиду


2004.10.04

Тибәтниң диний даһиси далай лама йәкшәнбә күни миксика шәһирини зиярәт қилғанда, " тибәтниң чәт раюнлирида ғәйрий туғуливатқан қуш вә һайванатларниң көпийип кетиватқанлиқи, хитайниң тибәтни ядро ташландуқлирини төкидиған әхләтханиға айландурғанлиқини көрситиду" - диди.

Америка бирләшмә ахбарат агентлиқиниң хәвиригә қариғанда, далай лама мухбирларни күтивелиш йиғинида қилған сөзидә " хитай чоң қуруқлуқида адәм шунчилик зич орунлашқан болғачқа,хитайниң ядро ташландуқлирини төкидиған җайдин пәқәт тибәтла қалған" дигән.

Йеқинқи йиллардин боян далай ламаниң тибәттики қоллиғучилири, хитай һөкүмитиниң тибәтниң екологийилик муһитини еғир дәриҗидә бузиватқанлиқини, ядро ташландуқлирини төкүпла қалмастин йәнә нефит вә орман байлиқини қалаймиқан ечиватқанлиқини билдүрмәктә. Йәнә бәзилири болса, хитайниң һәтта тибәткә ядро қоралларни орунлаштурғанлиқидин гуман қилмақта. Әмма далай лама йәкшәнбә күни буһәқтә өзлириниң ениқ учурға игә әмәсликини тәкитлиди.

Мексика,далай ламаниң латин америкиси зияритиниң ахирқи бекити болуп, у буниң алдида пуерторико, костарика, гватемала қатарлиқ дөләтләрни зиярәт қилған иди. Далай лама мексикини зиярәт қилиш җәрянида йәнә мексика төвән палата әзалириға нутуқ сөзләйду. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.