Dalay lama: xitay yadro tashlanduqlirini tibetke töküwatidu


2004.10.04
Share on WhatsApp
Share on WhatsApp

Tibetning diniy dahisi dalay lama yekshenbe küni miksika shehirini ziyaret qilghanda, " tibetning chet rayunlirida gheyriy tughuliwatqan qush we haywanatlarning köpiyip kétiwatqanliqi, xitayning tibetni yadro tashlanduqlirini tökidighan exletxanigha aylandurghanliqini körsitidu" - didi.

Amérika birleshme axbarat agéntliqining xewirige qarighanda, dalay lama muxbirlarni kütiwélish yighinida qilghan sözide " xitay chong quruqluqida adem shunchilik zich orunlashqan bolghachqa,xitayning yadro tashlanduqlirini tökidighan jaydin peqet tibetla qalghan" digen.

Yéqinqi yillardin boyan dalay lamaning tibettiki qollighuchiliri, xitay hökümitining tibetning ékologiyilik muhitini éghir derijide buziwatqanliqini, yadro tashlanduqlirini töküpla qalmastin yene néfit we orman bayliqini qalaymiqan échiwatqanliqini bildürmekte. Yene beziliri bolsa, xitayning hetta tibetke yadro qorallarni orunlashturghanliqidin guman qilmaqta. Emma dalay lama yekshenbe küni buheqte özlirining éniq uchurgha ige emeslikini tekitlidi.

Méksika,dalay lamaning latin amérikisi ziyaritining axirqi békiti bolup, u buning aldida pu'értoriko, kostarika, gwatémala qatarliq döletlerni ziyaret qilghan idi. Dalay lama méksikini ziyaret qilish jeryanida yene méksika töwen palata ezalirigha nutuq sözleydu. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.