Далай лама америка зияритидә президент буш билән көрүшүши мумкин


2005.10.19
Share on WhatsApp
Share on WhatsApp

Баш штаби вашингтондики " хәлқара тибәткә ярдәм бериш һәрикити" ниң чаршәнбә күни ашкарилишичә, тибәтниң диний даһиси далай лама киләр айда америкиға қилидиған зияритидә, президент җорҗ буш билән көрүшүши мумкин.

Мәзкур тәшкилатниң билдүрүшичә, далай лама 8 - ноябир күни вашингтонға қилидиған 10 күнлүк зияритини башлайдиған болуп, у америка президенти җорҗ буш, америка дөләт мудапиә министири кондилиза райис қатарлиқ дөләт рәһбәрлири билән көрүшүши мумкин икән.

Президент җорҗ буш 2001 -йили хитайниң қәтий қаршилиқиға қаримастин, далай лама билән сөһбәт өткүзгән иди. У шундақла хитайни далай лама билән сөһбәт өткүзүшкә чақирған.

Хәлқара тибәткә ярдәм бериш һәрикитиниң билдүрүшичә, далай ламаниң бу қетимқи америка зиярити " интайин һалқилиқ" пәйттә елип берилған болуп, " тибәт хәлқи үчүн тарихий бир пурсәт" һесаблинидикән.

Уларниң ашкарилишичә, бу йил 7 - айда, америка қатарлиқ әлләрниң бесими астида хитай һөкүмәт вәкиллири далай лама әлчилири билән шивитсарийиниң пайтәхти берн шәһиридә түнҗи қетим сөһбәт өткүзгән. Бу икки тәрәпниң төтинчи қетимқи учрушуши болсиму, үчүнчи дөләттики түнҗи учрушуши иди.

Далай лама бу қетимқи зияритидә орунлаштурулған бир йиғилишта йәнә, уйғурларниң кишилик һоқуқ көрәшлиригиму алаһидә баһа беридиған болуп, у қетимқи йиғилишқа атақлиқ уйғур кишилик һоқуқ паалийәтчиси рабийә қадир ханимму қиммәтлик меһман сүпитидә тәклип қилинған. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.