Tibetler jang zémin bilen li péng üstidin ispaniye sot mehkimisige erz sundi

Xelq'ara tibet herikiti teshkilati yéqinda xitayning sabiq dölet bashliqi jang zémin bilen sabiq bash ministiri li pénglarni tibet puqralirigha qarshi irqiy tazilash jinayiti sadir qilish bilen eyiblep, ispaniye aliy sot mehkimisige erz sun'ghandin kéyin, sot mehkimisi dawagerlerning erzinamisini qobul qildi.

Xitay puqralirining falun'gong mezhipi seyshenbe küni bayanat élan qilip, ispaniye aliy sot mehkimisining erzinamini körüp chiqishqa maqul bolghanliqini maxtidi. Falun'gong mezhipining bayanatida, " ispaniye edliyesining jesurane we tarixiy qararini qollaymiz. Bu edliye séstimisining omumiyliqi we érqiy tazilashqa uchrighuchilarni étirap qilish yolidiki tunji qedem " shuning bilen birge " tibette erkin, tinch we bigunah puqralargha qarshi insanliqqa xilap éghir jinayetler sadir qilindi " dep tekitligen.

Xelq'ara tibet herikitining ispaniye komitéti jang zémin we li pénglar üstidin sot mehkimisige yollighan erzinamiside, " tibet puqralirigha qarshi érqiy tazilash, insanliqqa qarshi turush, ten jazasi we térrorluq élip bérildi" deydu. Ispaniye sot mehkimisi ilgiri dawagerlerning tunji erzini " weqe ispaniye puqralirigha chétilmighanliqi" sewebidin ret qilghan. Emma bu qétim edliyining uniwérsallliqini közde tutup, érqiy tazilash, insanliqqa qarshi turush qatarliq jinayetlerning igilik hoquq cheklimisige uchrimaydighanliqi prinspi boyiche erzinamini körüp chiqishqa maqul boldi. (Erkin)