خىتاي ئىسلاندىيىلىك ناخشا چولپىنى بجوركنى ئەيىبلىدى
2008.03.07
خىتاي مەدەنىيەت مىنىستىرلىقى جۈمە كۈنى ئىسلاندىيىلىك ناخشا چولپىنى بجوركنىڭ شاڭخەي شەھىرىدىكى بىر كونسېرت زالىدا ئويۇن قويۇۋېتىپ " مۇستەقىللىق ئېلانى" دېگەن ناخشىنى ئېيتقانلىقى ۋە تىبەتنى كۈيلىگەنلىكىگە ئىنكاس قايتۇردى ھەمدە بۇنىڭدىن كېيىن چەتئەللىك سەنئەتچىلەرنىڭ پائالىيىتىگە تېخىمۇ قاتتىق چەكلىمە قويىدىغانلىقىنى ئېلان قىلدى.
خىتاي مەدەنىيەت مىنىستىرلىقى تور بېتىدە ئېلان قىلغان بۇ ھەقتىكى باياناتىدا بجوركنى "جۇڭگو قانۇنىنى بۇزۇپ، جۇڭگو خەلقىنىڭ كۆڭلىگە ئازار بەردى " دەپ ئەيىبلىگەن. بجورك ئۆتكەن يەكشەنبە كۈنى شاڭخەيدىكى بىر كونسېرت زالىدا ئويۇن قويۇپ، ئويۇننىڭ ئاخىرقى نومۇرىدا "مۇستەقىللىق ئېلانى"دېگەن ناخشىنى ئېيتقان ۋە ناخشا ئارىسىدا " تىبەت، تىبەت"دەپ خىتاپ قىلغان ئىدى. بجوركنىڭ كونسېرت جەريانىدا كىيگەن كۆينىكى دىققەت قوزغىغان بولۇپ، كىشىلەر ئۇنىڭ ئەتلەس كۆينەك كىيىپ " تىبەت" نى كۈيلىگەنلىكىگە چوڭقۇر سىياسىي مەنا يۈكلىمەكتە.
خىتاي مەدەنىيەت مىنىستىرلىقى بۇ ھەقتىكى باياناتىدا " تىبەتنى مۇستەقىل دۆلەت، دەپ ئېتىراپ قىلىدىغان دۆلەت يوق " دەپ كۆرسەتتى. بجورك "مۇستەقىللىق ئېلانى" دېگەن بۇ ناخشىنى بۇرۇن باشقا ئەللەردىكى مۇستەقىللىق ھەرىكەتلىرىنى قوللاش مەقسىتىدە ئېيتقان، 2 - ئايدا ياپونىيىدىكى بىر كونسېرتتا بۇ ناخشىنى ئورۇنلاپ، كوسوۋا مۇستەقىللىقىنى مەدھىيىلىگەن، 1996 - يىلى سان - فرانسىسكودا تىبەتلەرنى قوللاش كونسېرتىغا قاتناشقان ئىدى.
پەيشەنبە كۈنى خىتاينىڭ ئىسلاندىيە پايتەختى رىجاۋىكتىكى باش ئەلچىخانىسى بجوركنىڭ ھەرىكىتىنى تەنقىدلىدى. لېكىن بجورك ئۆزىنىڭ شەخسى تور بېتىدە ئېلان قىلغان باياناتىدا "زومىگەر دۆلەتلەر بىلەن بولغان كۈرەش دائىم مېنىڭ ھۆرمىتىمگە سازاۋەر. مەن ھەر بىر شەخس ياكى دۆلەتنىڭ مۇستەقىللىق كۈرىشىدە مۇۋەپپەقىيەتلىك بولۇشىنى ئارزۇ قىلىمەن "دەيدۇ. (ئەركىن)
مۇناسىۋەتلىك ماقالىلار
- خىتاي تىبەت پائالىيەتچىلىرىگە ۋە دالاي لامانىڭ قوللىغۇچىلىرىغا تەھدىت سالدى
- ئەتلەس كۆينەك كىيگەن ئىسلاندىيە ناخشا چولپىنى شاڭخەيدە تىبەت مۇستەقىللىقىنى كۈيلىدى
- تىبەتتە قىلىنغان نامايىش باستۇرۇلدى
- سېربىيىدە پرېزىدېنت سايلىمى ئۆتكۈزۈلدى
- تۈركىيە دولەت مىنىستىرى د و ق ھەيىتىنى قوبۇل قىلدى
- خىتاي ئۈرۈمچىدە قوش تىلى مۇتەخەسسىسلىرى "ئىسكىلاتى" قۇردى
- ئىككى نەپەر تىبەتلىك خىتاي ھۆكۈمىتىگە بولغان نارازىلىقىنى ئۆزىنى ئۆلتۈرۈۋېلىش يولى بىلەن ئىپادىلىدى
- سىچۈەننىڭ گەنزى رايونىدىكى لامالارنىڭ دىنىي ئەركىنلىكى دەخلىگە ئۇچرىماقتا
- خىتاينىڭ بېسىمىغا ئۇچرىغان تىبەت گۈزىلى ئۆز مەنپەئەتىدىن ۋاز كەچتى
- گېرمانىيە باش مىنىستىرى دالاي لاما مەسىلىسىدە خىتايغا رەددىيە بەردى
- خىتاي، يېڭى ياسالغان تۆمۈر يولى ئارقىلىق تىبەتكە ئەسكەر ئەۋەتىشكە باشلىدى
- تىبەتتە كوممۇنىست پارتىيىدىن ئۈمىد ئۈزگەن كىشىلەر كۆپەيمەكتە
كۆپ كۆرۈلگەن خەۋەرلەر
RFA
- ئىستانبۇلدا «ئۇيغۇر مەھەللىسى» قۇرۇلۇشىنىڭ پۈتۈپ چىقىشى مۇناسىۋىتى بىلەن ئېچىلىش مۇراسىمى ئۆتكۈزۈلدى
- تورونتو ئۇنىۋېرسىتېتى دوكلاتى: «ئۇيغۇر ئايال كىشىلىك ھوقۇق قوغدىغۇچىلىرى ۋە ژۇرنالىستلار خىتاينىڭ مىسلى كۆرۈلمىگەن باستۇرۇشىغا ئۇچرىغان»
- ئۇيغۇر ۋەكىللىرى تۈركىيە پارلامېنتىدىن ئۇيغۇر قىرغىنچىلىقىنى ئۆز كۈنتەرتىپىگە قويۇشنى تەلەپ قىلدى
- نۇرى تۈركەل: «ئامېرىكانىڭ ئانامنى ئەكېلىشىنى ئۇيغۇرلارغا كۆرسىتىۋاتقان غەمخورلۇقىنىڭ ئىپادىسى، دەپ قارايمەن»
- ب د ت دا مىللەتلەرنىڭ ۋەكىللىك قىلىش ھەق-ھوقۇقلىرى مۇھاكىمە قىلىندى