Xitay islandiyilik naxsha cholpini bjorkni eyiblidi


2008-03-07
Share

Xitay medeniyet ministirliqi jüme küni islandiyilik naxsha cholpini bjorkning shangxey shehiridiki bir konsért zalida oyun qoyuwétip " musteqilliq élani" dégen naxshini éytqanliqi we tibetni küyligenlikige inkas qayturdi hemde buningdin kéyin chet'ellik sen'etchilerning pa'aliyitige téximu qattiq cheklime qoyidighanliqini élan qildi.

Xitay medeniyet ministirliqi tor bétide élan qilghan bu heqtiki bayanatida bjorkni "junggo qanunini buzup, junggo xelqining könglige azar berdi " dep eyibligen. Bjork ötken yekshenbe küni shangxeydiki bir konsért zalida oyun qoyup, oyunning axirqi nomurida "musteqilliq élani"dégen naxshini éytqan we naxsha arisida " tibet, tibet"dep xitap qilghan idi. Bjorkning konsért jeryanida kiygen köyniki diqqet qozghighan bolup, kishiler uning etles köynek kiyip " tibet" ni küyligenlikige chongqur siyasiy mena yüklimekte.

Xitay medeniyet ministirliqi bu heqtiki bayanatida " tibetni musteqil dölet, dep étirap qilidighan dölet yoq " dep körsetti. Bjork "musteqilliq élani" dégen bu naxshini burun bashqa ellerdiki musteqilliq heriketlirini qollash meqsitide éytqan, 2 ‏ - ayda yaponiyidiki bir konsértta bu naxshini orunlap, kosowa musteqilliqini medhiyiligen, 1996 ‏ - yili san - fransiskoda tibetlerni qollash konsértigha qatnashqan idi.

Peyshenbe küni xitayning islandiye paytexti rijawiktiki bash elchixanisi bjorkning herikitini tenqidlidi. Lékin bjork özining shexsi tor bétide élan qilghan bayanatida "zomiger döletler bilen bolghan küresh da'im méning hörmitimge sazawer. Men her bir shexs yaki döletning musteqilliq kürishide muweppeqiyetlik bolushini arzu qilimen "deydu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet