Кәчүрүм тәшкилати, һәр қайси дөләтләрни хитайдики кишилик һоқуқ дәпсәндичиликигә қарши турушқа чақирди


2008-04-01
Share

Хәлқара кәчүрүм тәшкилати, сәйшәнбә күни бир доклат елан қилип, 2008‏ - йиллиқ бейҗиң олимпик тәнһәрикәт йиғини һарписида, кишилик һоқуқниң хитайдики вәзийитиниң техиму начарлишиватқанлиқини вә хитай һөкүмитиниң дуня җамаәтчиликигә хитай җәмийитини иттипақлиқ ичидә яшаватқан инақ бир җәмийәт қилип көрситиш үчүн сиясий өктичиләрни қаттиқ бастуруватқанлиқини тәкитлиди.

Баянатида, 2008‏ - йиллиқ олимпик тәнһәрикәт йиғининиң, кишилик һоқуқниң хитайдики вәзийитини яхшилаш мәсилисидә һечқандақ тәсири болмайдиғанлиқиниң оттуриға чиққанлиқини тәкитлигән хәлқара кәчүрүм тәшкилати, дунядики һәр қайси дөләтләрниң рәһбәрлирини шуниңдәк хәлқара олимпик комитетини хитайдики кишилик һоқуқ дәпсәндичиликини очуқ - ашкара тәнқид қилишқа чақирди.

Баянатта, " әгәр хәлқара олимпик комитети, чәт дөләт рәһбәрлири шуниңдәк хитайдики чәтәл ширкәтлири, хитайдики кишилик һоқуқ дәпсәндиликигә қарши чиқмиса, бу мәсилидә хитайниң ширики һесаблинип қилиши мумкин" дейилгән.

Лекин хитай ташқи ишлар минстирлиқиниң баянатчиси җяң йү, сәйшәнбә күни бейҗиңда мухбирларға бәргән баянатида, кәчүрүм тәшкилати, хитайға қарши позитсийидә, шуниң үчүн бу тәшкилатниң қандақ доклат елан қилидиғанлиқини тәсәввур қилиш мумкин" дегән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт