لخاسا شەھەرلىك ج خ ئىدارىسى 21 نەپەر تىبەتلىك ئۈستىدىن تۇتۇش بۇيرۇقى ئېلان قىلدى


2008-03-21
Share

خىتاينىڭ تىبەتتىكى نامايىشنى باستۇرۇش ھەرىكىتى دۇنيا جامائەتچىلىكىنىڭ تەنقىدىگە ئۇچراۋاتقان بىر مەزگىلدە، لخاسا شەھەرلىك ج خ ئىدارىسى 21 نەپەر تىبەت پۇقراسى ۋە لاما ئۈستىدىن تۇتۇش بۇيرۇقى ئېلان قىلىپ، بۇ كىشىلەرنىڭ جىنايى جاۋابكارلىققا تارتىلىدىغانلىقىنى جاكارلىدى.

دائىرىلەر 21 نەپەر كىشىنىڭ ئىچىدىن 14 كىشىنىڭ رەسىمىنى ئېلان قىلغان ۋە بۇ كىشىلەرنىڭ لخاسادىكى ئىسيان جەريانىدا ئۇرۇش، چېقىش ۋە ئوت قويۇش ھەرىكىتىگە قاتناشقانلىقىنى ئىلگىرى سۈرگەن.

خىتاي ھۆكۈمىتى يەنە ھازىرغا قەدەر ئىسيانغا قاتناشقان 170 نەپەر تىبەتلىكنىڭ ھۆكۈمەتكە تەسلىم بولغانلىقىنى بىلدۈردى. خىتاي ھۆكۈمىتى ئىسيانغا قاتناشقان تىبەتلەرگە ئۆزىنى مەلۇم قىلىش توغرىسىدا ئۇلتىماتۇم ئېلان قىلغان بولسىمۇ، لېكىن ئۆزىنى مەلۇم قىلغۇچىلارنىڭ قانداق مۇئامىلىگە ئۇچرايدىغانلىقىنى چۈشەندۈرمىگەن ئىدى.

دائىرىلەر پەيشەنبە كۈنى ساقچىلارنىڭ سىچۈەندە ئابا رايونىدىكى نامايىشچىلارغا ئوق چىقارغانلىقىنى ۋە نامايىشنىڭ تىبەتكە خوشنا ئۆلكىلەردىكى تىبەت رايونلىرىغا يېيىلغانلىقىنى ئىقرار قىلدى. خەۋەرلەردە خىتاي ھۆكۈمىتى تىبەت ۋە تىبەتكە خوشنا ئۆلكىلەردىكى تىبەت رايونلىرىغا قوشۇن يۆتكەۋاتقانلىقىنى بىلدۈردى. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت