Лхаса шәһәрлик җ х идариси 21 нәпәр тибәтлик үстидин тутуш буйруқи елан қилди


2008.03.21

Хитайниң тибәттики намайишни бастуруш һәрикити дуня җамаәтчиликиниң тәнқидигә учраватқан бир мәзгилдә, лхаса шәһәрлик җ х идариси 21 нәпәр тибәт пуқраси вә лама үстидин тутуш буйруқи елан қилип, бу кишиләрниң җинайи җавабкарлиққа тартилидиғанлиқини җакарлиди.

Даириләр 21 нәпәр кишиниң ичидин 14 кишиниң рәсимини елан қилған вә бу кишиләрниң лхасадики исян җәрянида уруш, чеқиш вә от қоюш һәрикитигә қатнашқанлиқини илгири сүргән.

Хитай һөкүмити йәнә һазирға қәдәр исянға қатнашқан 170 нәпәр тибәтликниң һөкүмәткә тәслим болғанлиқини билдүрди. Хитай һөкүмити исянға қатнашқан тибәтләргә өзини мәлум қилиш тоғрисида ултиматум елан қилған болсиму, лекин өзини мәлум қилғучиларниң қандақ муамилигә учрайдиғанлиқини чүшәндүрмигән иди.

Даириләр пәйшәнбә күни сақчиларниң сичүәндә аба районидики намайишчиларға оқ чиқарғанлиқини вә намайишниң тибәткә хошна өлкиләрдики тибәт районлириға йейилғанлиқини иқрар қилди. Хәвәрләрдә хитай һөкүмити тибәт вә тибәткә хошна өлкиләрдики тибәт районлириға қошун йөткәватқанлиқини билдүрди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.