Lxasa sheherlik j x idarisi 21 neper tibetlik üstidin tutush buyruqi élan qildi

Xitayning tibettiki namayishni basturush herikiti dunya jama'etchilikining tenqidige uchrawatqan bir mezgilde, lxasa sheherlik j x idarisi 21 neper tibet puqrasi we lama üstidin tutush buyruqi élan qilip, bu kishilerning jinayi jawabkarliqqa tartilidighanliqini jakarlidi.

Da'iriler 21 neper kishining ichidin 14 kishining resimini élan qilghan we bu kishilerning lxasadiki isyan jeryanida urush, chéqish we ot qoyush herikitige qatnashqanliqini ilgiri sürgen.

Xitay hökümiti yene hazirgha qeder isyan'gha qatnashqan 170 neper tibetlikning hökümetke teslim bolghanliqini bildürdi. Xitay hökümiti isyan'gha qatnashqan tibetlerge özini melum qilish toghrisida ultimatum élan qilghan bolsimu, lékin özini melum qilghuchilarning qandaq mu'amilige uchraydighanliqini chüshendürmigen idi.

Da'iriler peyshenbe küni saqchilarning sichüende aba rayonidiki namayishchilargha oq chiqarghanliqini we namayishning tibetke xoshna ölkilerdiki tibet rayonlirigha yéyilghanliqini iqrar qildi. Xewerlerde xitay hökümiti tibet we tibetke xoshna ölkilerdiki tibet rayonlirigha qoshun yötkewatqanliqini bildürdi. (Erkin)