Tibetlik namayishchilarning hindistandiki xitay elchixanisigha suqunup kirish weqesi yüz berdi


2005-12-06
Share

Bir guruppa tibetlik namayishchi seyshenbe küni xitayning hindistanda turushluq bash elchixanisi aldida béyjing hökümitining dalay lamaning muritlirini basturghanliqigha qarshi yighilish ötküzüp, xitay elchixanisining qorusighiche suqunup kirdi.

Saqchilar we elchixanining amanliq qoghdash xadimliri namayishchilarni elchixana qorasidin qoghlap chiqarghan bolsimu, emma namayishchilar elchixana qorasida tibet bayriqini chiqarghan we xitay hökümitige qarshi shu'ar towlighan. Bu jeryanda tibet yashlar qurultiyining bezi ezaliri xitay elchixanisining tömür rishatkisigha özini zenjir bilen baghlighan bolup, saqchilar zenjirni késip tibet yashlirini elchixanidin yiraqlashturghan.

Birleshme axbarat agéntliqining xewerqilishiche, 30 dek namayishchidin 8 sekkiz kishi elchixana qorasigha suqunup kirgen. Namayishchilar, tibet ibadetxanilirida wetenperwerlik telim- terbiyisi élip bérish toxtitilsun," " tibetlerge erkinlik" " tibetlerni öltürüsh toxtitilsun," dégen sho'arlarni towlidi.

Tibet kishilik hoquqi we démokratiye merkizining xewer qilishiche, ötken hepte lxasaning drépung ibadetxanisidiki dalay lamagha bey'et qilghan besh neper rahib xitay da'iriliri teripidin qolgha élin'ghan.

Xitay hökümiti yéqinda Uyghur aptonom rayonining da'imiy mu'awin sékritari jang chinglini tibet partkomining sékritari qilip yötkigen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet