Тибәттә қилинған намайиш бастурулди


2008-02-25
Share

Тибәтниң әмдо районида әнәниви байримини тәбрикләватқан тибәтлик амма билән хитай җ х тармақлири арисида тоқунуш йүз бәргән болуп, нәтиҗидә хитай сақчилири 200 нәпәр тибәтликни қолға алған. Әмма йәрлик һөкүмәт, паалийәткә қатнишиватқан җамаәтниң бесими астида, қолға елинған барлиқ тибәтликләрни қоюп бәргән болсиму, буларниң ичидики икки нәпәр тибәтликниң яриси еғир болғанлиқи үчүн дохтурханиға елип берилған.

Радиомиз игилигән мәлуматларға қариғанда, тоқунуш юз бәргәндин кийин хитайниң йәрлик һөкүмити мәзкур райондики диний паалийәтни дәрһал тохтатқан вә нурғунлиған җ х сақчилири вә қораллиқ сақчи қисимлирини нәқ мәйданға әвәткән.

Әслидә бу кишиләрниң көпинчиси будда роһанийлири болуп, улар монлам ченмо йәни бүйүк тилавәт байримида өзлириниң әнәниви илаһқа сеғиниш усулини ойнаватқан болуп, сақчилар билән тибәт яшлири тоқунушуп қилип,намайиш йүз бәргәндин кейин хитай сақчилири яш аққузуш бомбиси ишлитип җамаәтни тарқақлаштурған.

Вәқәни көргән бир гуваһчиниң ейтишичә, сақчилар нәқ мәйданға йетип кәлгән болсиму, әмма йәрликләрниң һәйвә көрситиш һәрикити бесиқмиған болуп, намайишчилар таш- кесәк вә тоқмақларни ишлитип сақчиларға қарши турған. Нәтиҗидә, намайишчилар " тибәткә мустәқиллиқ ", "далай лама яшисун" дегәнгә охшаш шоарларни товлашқан вә һөкүмәтниң йәттә аптомобилини өрүп көйдүрүвәткән.

Йәрлик сақчи даирилири бундақ бир вәқәниң юз бәргәнлики һәққидә тохтилишни халимиған болсиму, әмма йәрлик һөкүмәт баянат елан қилип йәрлик яш тибәтләрниң бүйүк тилавәт байримида намайиш қилғанлиқини билдүрди. Намайиш кәчқурун саәт онлар әтрапида аран бесиққан. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт