Сүргүндики тибәтләр хитай түрмисидики тибәт раһиби үчүн ачлиқ елан қилди


2004.11.03
Share on WhatsApp
Share on WhatsApp

Сүргүндики бир түркүм тибәтләр чаршәнбә күни һиндистанниң шималидики дарамсалада ачлиқ елан қилип, хитай һөкүмитиниң түрмидики тибәт раһибиға бәргән өлүм җазасини бикар қилишини тәләп қилди.

Ройтерис ахбарат агентлиқиниң хәвиригә қариғанда, тибәтлик раһиб тензин ринпочи 2002 - йили декабирда, хитай һөкүмити тәрипидин партилитиш вәқәсини садир қилған дәп әйиплинип өлүм җазаси берилгән һәмдә бу җазани икки йил кечиктүрүп иҗра қилиш һөкүм қилинған иди.

Намайишчиларниң арисидики тибәт паалийәтчиси дики долкар мухбирларға, тензен ринпочиға хитайда адил сот ечилмиғанлиқини, һәмдә хитай һөкүмитидин уни шәртсиз қоюп беришни тәләп қилидиғанлиқини билдүрди.

Гәрчә нурғун кишилик һоқуқ паалийәтчилири вә депломатлар илгири хитай һөкүмитигә күчлүк бесим ишләткән болсиму, лекин хитай өткән йили 1 - айда тензен билән биргә өлүм җазаси берилгән лобсаң донҗупни атқан иди.

Хитайниң уйғур вә тибәт сиясий җинайәтчилиригә өлүм җазаси бериши, хәлқара кишилик һоқуқ тәшкилатлири тәрипидин әйиплинип кәлмәктә.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.