Sürgündiki tibetler xitay türmisidiki tibet rahibi üchün achliq élan qildi
2004.11.03
Sürgündiki bir türküm tibetler charshenbe küni hindistanning shimalidiki daramsalada achliq élan qilip, xitay hökümitining türmidiki tibet rahibigha bergen ölüm jazasini bikar qilishini telep qildi.
Roytéris axbarat agéntliqining xewirige qarighanda, tibetlik rahib ténzin rinpochi 2002 - yili dékabirda, xitay hökümiti teripidin partilitish weqesini sadir qilghan dep eyiplinip ölüm jazasi bérilgen hemde bu jazani ikki yil kéchiktürüp ijra qilish höküm qilin'ghan idi.
Namayishchilarning arisidiki tibet pa'aliyetchisi diki dolkar muxbirlargha, ténzén rinpochigha xitayda adil sot échilmighanliqini, hemde xitay hökümitidin uni shertsiz qoyup bérishni telep qilidighanliqini bildürdi.
Gerche nurghun kishilik hoquq pa'aliyetchiliri we déplomatlar ilgiri xitay hökümitige küchlük bésim ishletken bolsimu, lékin xitay ötken yili 1 - ayda ténzén bilen birge ölüm jazasi bérilgen lobsang donjupni atqan idi.
Xitayning Uyghur we tibet siyasiy jinayetchilirige ölüm jazasi bérishi, xelq'ara kishilik hoquq teshkilatliri teripidin eyiplinip kelmekte.(Peride)
Munasiwetlik maqalilar
- Bir tibet yazghuchisi dalay lamani medhiyligenliki üchün xizmitidin ayrildi
- Xitay da'irlirining bésimi sewebidin, awistrye dalay lamagha béghishlan'ghan pochta markisini bikar qildi
- Dalay lama tibetning kélichiki heqqide söz qildi
- Dalay wekilliri bilen xitay hökümiti dawamliq söhbet ötküzüshke kélishti
- Tibetlik oqughuchilar chingxeyde namayish ötküzdi
- Nipal hökümiti 27 tibetlik musapirni qolgha aldi
- Dalay lama: xitay yadro tashlanduqlirini tibetke töküwatidu
- Dalay lamaning wekilliri 3 - qétim béyjingni mexpiy ziyaret qildi
- Dalay lamaning wekilliri béyjingdin daramsalagha qaytti
- Analizchilar dalay lama wekillirining xitaydiki ziyaritidin ümid kütmekte