Nobél mukapatining 26 neper érishküchisi xitayni dalay lama bilen söhbet ötküzüshke ündidi


2008-03-21
Share

Nobél mukapatigha érishken dunyawi shöhretke ige 26 neper zat peyshenbe küni bayanat élan qilip, xitay da'irilirini tibet rohaniy dahiysi bilen söhbet ötküzüshke chaqirdi we tibettiki basturush herikitini toxtitishni telep qildi.

Bayanatta mundaq deydu, " xitay hökümitining tibet namayishchilirini basturush herikitidin azaplinimiz we uni eyibleymiz." "Biz xitay da'irilirining qoralsiz, tinch namayishchilarni bir terep qilishta özini tutuwélishqa chaqirimiz."

Bayanatnamigha imza qoyghuchilar ichide 2003 - yili nobél edebiyat mukapatigha érishken jenubiy afriqiliq jon makswél ko'étzé, 1986 -yilqi nobél edebiyat mukapatining la'uriyati négiriyilik yazghuchi wola soyinka we 1986 - yili nobél tinchliq mukapatigha érishken elléy wéyzél qatarliqlar bar.

Ular yene xitay da'irilirining dalay lamagha mes'uliyetsizlik bilen hujum qiliwatqanliqini eyiblep, " xitay da'iriliri qayta-qayta tekitlewatqanning eksiche, dalay lama xitaydin ayrilishni emes, belki medeniyet we diniy aptonomiye telep qilmaqta," deydu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet