Хәлқара тибәт һәрикити хәлқара олимпик комитетиға җоңго үстидин шикайәт қилди


2006-08-08
Share

2008 - Йили өткүзүлидиған бейҗиң олимпик мусабиқисиға 2 йил қалған күни хәлқара тибәт һәрикити тәшкилати хәлқара олимпик комитетиға хәт йезип, мәзкур органниң җуңгониң кишилик һоқуқ вәзийитигә көңүл бөлүшкә чақирди вә җоңго даирилириниң тибәт аптоном районидики кишилик һоқуққа хилап һәрикәтлирини әйиблиди.

Хәлқара тибәт һәрикити тәшкилати олимпик комитетиға язған хетидә, җоңго һөкүмити хитай, тибәт вә уйғур районлирида тутуп туруватқан сияси мәһбусларни қоюп бериши керәк, дәп язған. Шу күни бейҗиң олимпик комитети мухбирларни күтүвелиш йиғини чақирип, олимпик мусабиқисиниң тәйярлиқ әһваллирини тонуштурди.

Франсийә ахбарат агентлиқиниң хәвәр қилишичә, бейҗиң олимпик комитетитиниң муавин иҗраийә рәиси ваң вей, бейҗиң шәһириниң муавин шәһәр башлиқи лю җихуаниң давамлиқ тәкшүрүливатқанлиқини билдүргән.

Хитай даирилири лю җихуани бу йил 6 - айда хиянәтчилик билән әйибләп вәзиписидин елип ташлиғандин кейин, уйғур аптоном райониға елип берип сорақ қилидиғанлиқини җакарлиди. Лекин униң уйғур аптоном районида қәйәрдә сорақ қилиниватқанлиқини вә немишкә бу районда сорақ қилинидиғанлиқини чүшәндүрмиди.

Лю җихуа илгири бейҗиң шәһириниң олимпик қурулушиға мәсул шәһәр башлиқи иди. Франсийә ахбарат агентлиқиниң әскәртишичә, олимпик мусабиқисиға 2 йил қалған болсиму, лекин бейҗиң пуқралири бейҗиң шәһириниң һава булғиниши вә қатнаш зичлиқидин әндишә қилмақта икән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт