Tibetning diniy dahisi dalay lama, bir qanche xitay sheherliri we tibet arisida yasiliwatqan tömür yolining tibetke qaritilghan "medeniyet qirghinchiliqi" ikenlikini bildürdi.
Tibetning diniy dahisi dalay lama, bir qanche xitay sheherliri we tibet arisida yasiliwatqan tömür yolining tibetke qaritilghan "medeniyet qirghinchiliqi" ikenlikini bildürdi.
U tibetke tutashturulidighan yéngi tömür yolning téximu köp xitay köchmenlirini jelp qilip, tibet medeniyitining yoqulushini keltürüp chiqiridighanliqini körsetti. U bu sözni yekshenbe küni amérikining aydaxo shtatini ziyaret qilghan mezgilide muxbirlargha éytqan.
Amérika birleshme axbarat agéntliqining xewirige qarighanda, dalay lama " tibette medeniyet qirghinchiliqi yüz bériwatidu. Eslide tömür yol qurulushi tereqqiyat üchün intayin paydiliq bolsimu biraq, siyasiy jehettin yerlikning milliy terkibini özgertishni meqset qilghanda, u paydiliq emes" dédi.
Xewerde éytilishiche, yéqinqi yillardin boyan , tibettiki xitay köchmenlirining sani jiddiy éshiwatqan bolup, ular hökümet organliri we qurulush sahelirini igiligen. Tibetler bolsa köpinchisi en'eniwiy déhqanchiliq we charwichiliq bilen jan baqidiken. Xelq'ara kechürüm teshkilati qatarliq kishlik hoquq teshkilatliri, tibetlerning basturush we milliy kemsitishke düch kéliwatqanliqini bildürmekte. Biraq xitay hökümiti tibetke köchmen yötkesh siyasiti qolliniwatqanliqini ret qilmaqta. (Arzu)
Munasiwetlik maqalilar
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
