Tibet kishilik hoquq teshkilati yoqap ketken 32 tibetliklikni sürüshte qilmaqta

• 
  2006-10-23

Bash shtabi hindistandiki tibet kishilik hoquq we démokratiye merkizi düshenbe küni birleshken döletler teshkilatidin séntebir éyida xitay- népal chégrisida xitay eskerliri oq chiqarghandin kéyin iz-déreksiz yoq bolup ketken 32 tibetlikning qaysi yerde ikenlikini éniqlap bérishi üchün xitay hökümitige bésim ishlitishini telep qildi.

Köpchilikke melum bolghandek, xitay eskerliri 30‏-séntebir küni xitay - népal chégrisida tibettin hindistan'gha qachmaqchi bolghan tibetlik qachqunlarni oqqa tutqan bolup, weqede ikki tibetlik ölgen we köpinchisi kichik balilardin teshkil tapqan 32 tibetlik iz-déreksiz yoq bolup ketken idi.

Xitay hökümiti, xitay chégra qoghdash qisimlirining awal tibetliklerni chégridin ötmeslik toghrisida agahlandurghanliqini, tibetlik qachqunlar eskerlerge hujum qilghandin kéyin, andin xitay eskerlirining özlirini qoghdash üchün oq chiqarghanliqini bildürdi. Emma weqege shahit bolghan chet'ellik taghchilar teripidin élin'ghan sin'alghu lintisi, xitay eskerlirining héchqandaq agahlandurush bermeyla tibetlik qachqunlarni oqqa tutqanliqini körsetmekte.

Xitay chégra qoghdash qisimlirining hujumigha uchrighan tibet qachqunlarning 41 i 10‏- ayning 22‏- küni saq salamet népal arqiliq hindistanning paytexti yéngi déhlige yétip kelgen.

Tibet kishilik hoquq we démokratiye merkizining diréktori urgan tenzin, bizche mezkur 32 tibetlik xitay da'iriliri teripidin qolgha élin'ghan. Shunga ularning qoyup bérilishini telep qilimiz, dédi. (Qanat)