Qush zukimi tibettimu bayqaldi

Peyshenbe küni, birleshken döletler teshkilati ashliq we yéza igilik idarisi, qush zukimi késellikining tibettimu bayqalghanliqini bildürdi.

Amérika birleshme agéntliqining xewer qilishiche, xitay yéza igilik ministirliqi peyshenbe küni ettigende, birleshken döletler teshkilati ashliq we yéza'igilik idra'isini mezkur késelikning tibetning paytexti lasada otturigha chiqqanliqidin xewerdar qilghan.

Hazirghiche qush zukimi késellikidin, xitayning chingxey ölkiside 6000 din artuq köchmen qush ölgen. Shundaqla bu késellik Uyghur élidimu bayqalghan idi. Lékin rayondiki kishilerge tesir qilmighan.

Sehiye mutexessisliri, qush zukimi késelliki chingxeydiki küchmen qushlar arqiliq hindistan, awstraliye hemde yawrupa döletlirige tarqilishi mumkin dep agahlandurghan idi. Mutexessisler, qush zukimi késellikining kishlerdin- kishilerge yuqidighan qorqunchluq bir késellikke aylinip kétishidin endishe qilmaqta. (Qanat)