Хитай һөкүмити 5 нәпәр тибәт раһибини қолға алди


2005.11.30
Share on WhatsApp
Share on WhatsApp

Хитайниң тибәт аптоном районидики даирилири йеқинда 5 нәпәр тибәт раһибини қолға елип, улар турушлуқ ибадәтханини печәтливәткән.

Әркин асия радиоси тибәт бөлүминиң игилигән учуриға қариғанда, тибәт аптоном районлуқ җамаәт хәвпсизлик идариси өткән җүмә күни ласадики җепуң ибадәтханисиға кирип, бу йәрдики пешқәдәм тибәт раһиби кенпо наваң башчилиғидики 5 нәпәр тибәт раһибини қолға алған.

Мәлум болушичә, вәқә йүз бәргән күни мәзкур җепуң ибадәтханисидики раһиблар тинч олтуруп намайиш қилған болуп, улар бу намайишни һөкүмәтниң уларға елип бериватқан "вәтәнпәрвәрлик тәрбийиси" дә һөкүмәт әмәлдарлириниң уларни далай ламани әйибләшкә мәҗбурлишиға қарши елип барған икән.

Бу раһиблар һөкүмәт әмәлдарлириниң бу тәлипигә қарши чиқип, һәтта уларни дең шявпиң билән җяң земинни әйибләшкә чақирсиму, уларниң бу тәләпкә охшашла қарши чиқидиғанлиқини билдүргән.

Ласаниң ғәрбигә җайлашқан җепуң ибадәтханиси, тибәт буддистлириниң муһим ибадәтханилириниң бири болуп, көп болғанда бу йәргә һәтта 7700дин көп раһиб йиғилиду. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.