Xitay hökümiti 5 neper tibet rahibini qolgha aldi
2005.11.30
Xitayning tibet aptonom rayonidiki da'iriliri yéqinda 5 neper tibet rahibini qolgha élip, ular turushluq ibadetxanini péchetliwetken.
Erkin asiya radi'osi tibet bölümining igiligen uchurigha qarighanda, tibet aptonom rayonluq jama'et xewpsizlik idarisi ötken jüme küni lasadiki jépung ibadetxanisigha kirip, bu yerdiki péshqedem tibet rahibi kénpo nawang bashchilighidiki 5 neper tibet rahibini qolgha alghan.
Melum bolushiche, weqe yüz bergen küni mezkur jépung ibadetxanisidiki rahiblar tinch olturup namayish qilghan bolup, ular bu namayishni hökümetning ulargha élip bériwatqan "wetenperwerlik terbiyisi" de hökümet emeldarlirining ularni dalay lamani eyibleshke mejburlishigha qarshi élip barghan iken.
Bu rahiblar hökümet emeldarlirining bu telipige qarshi chiqip, hetta ularni déng shyawping bilen jyang zéminni eyibleshke chaqirsimu, ularning bu telepke oxshashla qarshi chiqidighanliqini bildürgen.
Lasaning gherbige jaylashqan jépung ibadetxanisi, tibet buddistlirining muhim ibadetxanilirining biri bolup, köp bolghanda bu yerge hetta 7700din köp rahib yighilidu. (Peride)
Munasiwetlik maqalilar
- Chingxey-tibet tömür yoli pütüp boldi
- B d t komitéti tibetning benchen lamasi bilen körüshüshni telep qildi
- Kishilik hoquq teshkilatliri xitayni tibet rahibini qoyup bérishke chaqirdi
- Tibetler, toniy blayirni tibet mesiliside béyjinggha bésim ishlitishke chaqirdi
- Xitay, tibet aptonom rayoni qurulghanliqining 40 yilliqini tebriklidi
Köp körülgen xewerler
RFA
- Mutexessisler:“Xitaygha xushxewer bolghan ishlar Uyghurlar üchün shum xewerdur”
- “Shinjang wekilliri” “Dölet ortaq til-yéziqi qanuni” gha özgertish kirgüzmekchi
- En'gliyelik yutubér körgen taqaqliq meschitler we roza tutush cheklen'gen Uyghurlar weziyiti diqqet qozghidi
- Közetküchiler: “Xitayning Uyghur élidiki islahat pilani Uyghurlarni emes, belki xitayning özini bay qilidu”
- Xitaygha qayturulghan Uyghurlarni “Yoqlash” qa mangghan tayland wekiller ömiki agahlanduruldi