Xitay ölüm jazasi bergen tibet rahibi téxiche hayat iken


2004-12-13
Share

Bir neper xitay emeldarining düshenbe küni melum qilishiche, xitay hökümiti ölüm jazasigha höküm qilghan tibet rahibi ténzén rinpochi téxiche hayat iken.

53 Yashliq bu tibet rahibining ölüm jazasini ijra qilish waqti esli 12 - ayning 2 - küni toshqan bolup, buning aldida tibetlerning diniy dahisi dalay lama, amérika we kanada hökümetliri xitay hökümitidin uni atmasliqni telep qilghan idi.

Amérika birleshme axbarat agéntliqining sichu'endiki türme bashqurush orginidiki jo'u famililik bir neper xadimning sözini neqil keltürishiche, bu xadim muxbirgha ténzén rinpochining téxiche hayat ikenlikini, hemde uning türmidiki ipadisi yaxshi bolghachqa uni téxiche atmighanliqini éytqan.

Xitay hökümiti 2002 - yili 12 - ayda tibet rahibi 52 yashliq ténzin rinpochi bilen 28 yashliq lobsang dondupni sichu'enning genzi digen yéride partlitish sadir qilghan dep eyiplep ölüm jazasigha höküm qilghan idi. Shundaqla lobsang dondopni 2003 - yili 1 - ayda étip, ténzin rinpochining ölüm jazasini ikki yil kéchiktürüp ijra qilishni höküm qilghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.