Хитай һөкүмити бәш тибәт раһибини түрмигә ташлиди


2005-02-13
Share

Хитайниң чиңхәй өлкисидики һөкүмәт даирилири йеқинда бәш нәпәр тибәтлик раһибни сиясий җәһәттин сәзгүр шеирларни нәшир қилған дәп әйибләп, икки йилдин- үч йилғичә қамақ җазасиға һөкүм қилди.

Вәқәдин хәвәрдар кишиләрниң радиойимиз тибәт бөлимигә билдүрүшичә, чиңхәйдики дакар тириялдзуң будханисиниң бу бәш нәпәр раһиби 1 - айниң 16 - күни қолға елинған. Хитай сот даирилири 20 күндин кийин, уларниң һәр бирсини икки йилдин- үч йилғичә кәскән.

Дакар тириялдзуң будханиси 1995 - йилидин башлап өз алдиға гезит чиқарған болуп, хитай һөкүмити бу гезитләрдики бәзи шеирлар сәзгүр сиясий мәзмунларни өз ичигә алған дәп қариған һәмдә бу гезитни чиқиришқа мәсол болған бәш раһибни қолға алған. Чиңхәй өлкилик алақидар тармақлардин бу вәқәни дәрһал ениқлаш имканийити болмиди.

Буниң алдида, қәшқәр вилайәтлик оттура сот мәһкимиси, язғучи нурмәмәт ясинни "кишиләрни бөлгүнчиликкә күшкүртидиған" әсәр язған дәп әйибләп, 10 йиллиқ қамақ җазасиға һөкүм қилған иди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт