Кишилик һоқуқ тәшкилатлири хитайни тибәт раһибини қоюп беришкә чақирди


2005.09.18
Share on WhatsApp
Share on WhatsApp

Америкидики кишилик һоқуқ көзитиш тәшкилати хитай һөкүмитини тибәт раһиби сонамни дәрһал қоюп беришкә чақирди.

Кишилик һоқуқ көзитиш тәшкилати шәнбә күни елан қилған баянатида, хитай һөкүмитиниң, тибәтләрниң муқәддәс бутханиси болған потала сарийиниң раһиби сонамни 21 - авғуст күни сиясий сәвәбтин тутуп кетип қамап қойғанлиқини елан қилди.

Мәзкур тәшкилатниң билдүрүшичә, хитай һөкүмити сонамни 1 - сентәбир тибәт аптоном райони қурулғанлиқиниң 40 йиллиқи һарписида елип барған бихәтәрликни күчәйтиш һәрикитидә қолған алған.

Кишилик һоқуқ көзитиш тәшкилати баянатида, уларниң һазир сонам билән биргә йәнә икки нәпәр тибәт раһибиниңму хитай сақчилири тәрипидин тутуп кетилгәнлики һәққидә хәвәр игилигәнликини, әмма буниң техи ениқланмиғанлиқини билдүрди.

Хитай һөкүмити тибәттила әмәс, уйғур елидиму аптоном район қурулғанлиқиниң 50 йиллиқи мунасивити билән бихәтәрлик тәдбирлирини алаһидә күчәйтмәктә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.