Kishilik hoquq teshkilatliri xitayni tibet rahibini qoyup bérishke chaqirdi


2005-09-18
Share

Amérikidiki kishilik hoquq közitish teshkilati xitay hökümitini tibet rahibi sonamni derhal qoyup bérishke chaqirdi.

Kishilik hoquq közitish teshkilati shenbe küni élan qilghan bayanatida, xitay hökümitining, tibetlerning muqeddes butxanisi bolghan potala sariyining rahibi sonamni 21 - awghust küni siyasiy sewebtin tutup kétip qamap qoyghanliqini élan qildi.

Mezkur teshkilatning bildürüshiche, xitay hökümiti sonamni 1 - séntebir tibet aptonom rayoni qurulghanliqining 40 yilliqi harpisida élip barghan bixeterlikni kücheytish herikitide qolghan alghan.

Kishilik hoquq közitish teshkilati bayanatida, ularning hazir sonam bilen birge yene ikki neper tibet rahibiningmu xitay saqchiliri teripidin tutup kétilgenliki heqqide xewer igiligenlikini, emma buning téxi éniqlanmighanliqini bildürdi.

Xitay hökümiti tibettila emes, Uyghur élidimu aptonom rayon qurulghanliqining 50 yilliqi munasiwiti bilen bixeterlik tedbirlirini alahide kücheytmekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet