Хитай һөкүмити далай ламани әйибләшни рәт қилған раһбларни қолға алди


2005-12-01
Share

Тибәттә, нәччилигән тибәтлик буддист раһиби хитай һөкүмити тәрипидин тәйярланған далай ламани бөлгүнчи дәп әйиблигән бир һөҗҗәткә қол қоюшни рәт қилғанлиқи үчүн, хитай һөкүмити тәрипидин қолға елинди.

Мәркизи һиндистанниң драмсала шәһиридики тибәт кишилик һоқуқ вә демократийә мәркизиниң хәвәр қилишичә, тибәтниң пайтәхти ласа шәһири йеқиндики дипуң бутханисидики бәш раһиб мәзкур һөҗҗәткә қол қоймиғанлиқи үчүн бутханидин қоғланди қилинип, сақчилар тәрипидин тутуп кетилгән.

Хәвәрдә ейтилишичә, мәзкур бәш раһибниң тутуп кетилгәнлики, дипуң бутханисидики 400 раһибниң 25 - ноябир күни наразилиқ һәрикити қозғишиға сәвәб болған. Улар далай ламани бөлгүнчи дәп әйибләшни вә тибәтниң хитайниң айрилмас бир қисми икәнликини етирап қилишни рәт қилип, һөкүмәтни тутуп кетилгән бәш раһибни қоюп беришкә чақирған.

Хәвәрдә көрситилишичә, хитай сақчилири вә һәрбий қисимлири раһибларниң наразилиқ һәрикитини бастуруп, уларни қаттиқ урған. Һазир дипуң бутханиси хитай бихәтәрлик қисимлири тәрипидин қоршалған болуп, кишиләрниң бутханиға кирип чиқиши чәкләнгән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт