Xitay hökümiti dalay lamani eyibleshni ret qilghan rahblarni qolgha aldi

Tibette, nechchiligen tibetlik buddist rahibi xitay hökümiti teripidin teyyarlan'ghan dalay lamani bölgünchi dep eyibligen bir höjjetke qol qoyushni ret qilghanliqi üchün, xitay hökümiti teripidin qolgha élindi.

Merkizi hindistanning dramsala shehiridiki tibet kishilik hoquq we démokratiye merkizining xewer qilishiche, tibetning paytexti lasa shehiri yéqindiki dipung butxanisidiki besh rahib mezkur höjjetke qol qoymighanliqi üchün butxanidin qoghlandi qilinip, saqchilar teripidin tutup kétilgen.

Xewerde éytilishiche, mezkur besh rahibning tutup kétilgenliki, dipung butxanisidiki 400 rahibning 25 - noyabir küni naraziliq herikiti qozghishigha seweb bolghan. Ular dalay lamani bölgünchi dep eyibleshni we tibetning xitayning ayrilmas bir qismi ikenlikini étirap qilishni ret qilip, hökümetni tutup kétilgen besh rahibni qoyup bérishke chaqirghan.

Xewerde körsitilishiche, xitay saqchiliri we herbiy qisimliri rahiblarning naraziliq herikitini basturup, ularni qattiq urghan. Hazir dipung butxanisi xitay bixeterlik qisimliri teripidin qorshalghan bolup, kishilerning butxanigha kirip chiqishi cheklen'gen. (Qanat)